གངས་རིའི་འདབས་ནས་ཆས་ཡོང་། །
གངས་རིའི་འདབས་ལ་ལོག་བྱུང་། །
དམར་སྨུག་གི་ངོ་གདོང་རེ་རེ། །
ངའི་ཡིད་ཀྱི་མཆོད་མེ་རེ་རེ། །
ངལ་དུབ་ཀྱི་ཉིན་དང་མཚན་ལ། །
ངའི་ཡིད་ཀྱི་འོད་སྣང་ཁྱོད་ཡིན། །
ང་ཁྱོད་ཀྱི་ཁྲ་ཆུང་མིག་ལམ་ན་ཡོད། །
ཁྱོད་ང་ཡི་ཡ་ཆུང་སེམས་ཁོང་ན་ཡོད། །
ཨ་་་་་་ཆོལ་ཁ་གསུམ་གྱི་སྤུན་ཟླ། །
ཨ་་་་་་དེ་རིང་ལས་ཀྱི་འཛོམས་སོང་། །
ལན་གཅིག་འཛོམས་པའི་ཉིན་མོ། །
ཉིན་མོ་འདི་སེམས་ལ་ཞོག་དང་། །
གངས་རིའི་འདབས་ནས་ཆས་ཡོང་། །
གངས་རིའི་འདབས་ལ་ལོག་བྱུང་། །
ཟོལ་མེད་ཀྱི་འཛུམ་ཆུང་རེ་རེ། །
ངའི་ཡིད་ཀྱི་དྲན་ཤིང་རེ་རེ། །
དགའ་དུས་དང་སྡུག་དུས་གཉིས་ལ། །
ངའི་ཡིད་ཀྱི་བརྟེན་ས་ཁྱོད་ཡིན། །
ང་ཁྱོད་ཀྱི་ཁྲ་ཆུང་མིག་ལམ་ན་ཡོད། །
ཁྱོད་ང་ཡི་ཡ་ཆུང་སེམས་ཁོང་ན་ཡོད། །
ཨ་་་་་ཆོལ་ཁ་གསུམ་གྱི་སྤུན་ཟླ། །
ཨ་་་་་ལས་ཀྱིས་འཛོམས་པས་དགའ་སོང་། །
འབྲལ་དགོས་འབྲལ་དགོས་མ་གསུངས། །
ང་རང་ཚོ་སླར་ཡང་འཇལ་ཡོང་། །

热门推荐| 1 | |
|---|---|
| 2 | |
| 3 | |
| 4 | |
| 5 | |
| 6 | |
| 7 | |
| 8 | |
| 9 | |
| 10 |